86

تحریک لبیک کے سربراہ سعد رضوی کا نام فورتھ شیڈول کی فہرست سے خارج

لاہور:محکمہ داخلہ پنجاب نے تحریک لبیک پاکستان (ٹی ایل پی )کے سربراہ علامہ سعد رضوی کا نام فورتھ شیڈول کی فہرست سے خارج کردیا ۔

تحریک لبیک پاکستان اور حکومت کے درمیان معاہدے کے بعد سعد رضوی کانام فورتھ شیڈول کی فہرست سےخارج کردیا گیا،اس حوالے سے محکمہ داخلہ پنجاب نے نوٹیفکیشن جاری کردیا۔

نوٹیفکیشن کے مطابق پنجاب حکومت نےٹی ایل پی کے مزید487افرادکےنام بھی فہرست سے نکال دئیے اور اب تک کُل577افرادکےنام فورتھ شیڈول سےنکالےگئے ہیں۔

محکمہ داخلہ پنجاب کی جانب سے جاری کردہ بیان میں کہا گیا ہے کہ فورتھ شیڈول کی فہرست کواپ ڈیٹ کردیاگیا،متعلقہ اضلاع کی پولیس رپورٹس پر ایکشن لیتے ہوئے فورتھ شیڈول کی فہرست سے نام خارج کئے گئے۔

یاد رہے کہ 16 اپریل 2021 کو علامہ سعد رضوی کا نام فورتھ شیڈول کی فہرست میں شامل کیا گیا تھا۔

اس خبر پر اپنی رائے کا اظہار کریں

اپنا تبصرہ بھیجیں