47

جشن ولادت النبی ﷺ ، وزیراعظم کی رہائش گاہ بنی گالہ پر زبردست چراغاں

اسلام آباد: جشن عید میلاد النبی ﷺ کی مناسبت سے وزیراعظم کی رہائش گاہ پر چراغاں کا خصوصی اہتمام کیا گیا ہے۔

وزیراعظم عمران خان نے اپنے گھر بنی گالہ میں ربیع الاول کے حوالے سے چراغاں کی تصاویر شیئر کی اور لکھا کہ ’ربیع الاول منانے کی تیاریاں جاری ہیں‘۔

یاد رہے کہ انیس اکتوبر کو پاکستان بھر میں مذہبی جوش و جذبے کے ساتھ بارہ ربیع الاول کے دن ولادت النبی ﷺ کا جشن منایا جائے گا۔

وفاقی اور صوبائی حکومتوں نے اس سلسلے میں عام تعطیل کا اعلان کیا ہے جبکہ جیلوں میں قید مجرمان کی سزاؤں میں کمی کا فیصلہ بھی کیا گیا ہے۔

حکومت نے رواں سال عید میلاد النبی ﷺ کو شیان شان طریقے سے منانے کا اعلان کیا ہے، جس کے تحت اسلام آباد میں پُروقار تقریب کا انعقاد بھی کیا جائے گا۔عید میلاد النبی ﷺ قریب آتے ہی ملک میں شاہراہوں، عمارتوں، گلیوں کو برقی قمقموں سے سجا دیا گیا ہے جبکہ میلاد کی محافل کا انعقاد بھی کیا جارہا ہے۔

اس خبر پر اپنی رائے کا اظہار کریں

اپنا تبصرہ بھیجیں