154

سنگل ڈوز ویکسین کی ایک لاکھ 20 ہزار ڈوز پاکستان پہنچ گئیں

 چین سے سنگل ڈوز ویکسین کی ایک لاکھ 20 ہزار ڈوز پاکستان پہنچ گئیں ہیں جنہیں این آئی ایچ منتقل کردیا گیا ہے۔

نجی ٹی وی اے آر وائے کے مطابق کوروناویکسین چینی ایئرلائن کے ذریعے پاکستان لائی گئی ہے جسے این آئی ایچ کی ٹیم نے اسلام آباد ایئرپورٹ پروصول کیا ۔ ذرائع وزارت صحت کا کہنا ہے کہ چین سے آنے والی کورونا ویکسین کین سائینو کمپنی کی تیارکردہ ہے،جس کی فارمولیشن، پیکنگ این آئی ایچ میں ہو گی ۔

یاد رہے گذشتہ ہفتے کورونا وائرس کی وبا سے نمٹنے کے لئے ویکسین کی فراہمی میں تیزی لانے کے لئے حکومت پاکستان اور وزارت صحت نے تین بوئنگ 777 پی آئی اے ہوائی جہاز چین بھیجے تھے، پی آئی اے کے طیاروں کے ذریعے 10 لاکھ کوویڈ 19 ویکیسن کی ڈوزز پاکستان لائی گئیں۔

اس خبر پر اپنی رائے کا اظہار کریں

اپنا تبصرہ بھیجیں