27

قرنطینہ میں میڈیا ٹیم سے ملاقات، وزیراعظم تنقید کی زد میں

کورونا میں مبتلا وزیراعظم عمران خان  قرنطینہ میں اجلاس کی صدارت کرنے پر سوشل میڈیا پر کڑی تنقید کا شکار ہیں۔

سینیٹر شبلی فراز کی جانب سے شیئر کی گئی تصویر میں وزیراعظم عمران خان کے علاوہ شبلی فراز ، ذلفی بخاری اور سینیٹر فیصل جاوید بھی نمایاں ہیں۔

ٹوئٹر پر ایک صاحب نے شبلی فراز کو براہ راست مخاطب کرتے ہوئے کہا کہ ان کا ٹوئٹ سفاکانہ اور غیر ذمے دارانہ ہے۔

ایک اور صارف نے لکھا کہ عوام کو بھاشن دینےوالے خود بھی ایس او پی پر عمل درآمد نہیں کرتے۔ جب کہ کسی نے کہا کہ جناب پریڈ میں نہیں گئے کہ کورونا ہے لیکن اپنی میڈیا ٹیم کو گھر پر ہی بلالیا۔

 ایک صارف نے حیرت کا اظہار کرتے ہوئے کہا کہ ایسی تصویر سے قوم کو کیا سبق دیا جارہا ہے؟ جب کہ ایک نے لکھا کہ ایسی تصویر  تنقید کو دعوت دے گی۔

ایک اور صاف نے کہا کہ آج ٹیکنالوجی کے دور میں وزیراعظم اپنی میڈیا ٹیم کے ساتھ ورچوئل اجلاس کیوں نہیں بلا سکے۔

اس خبر پر اپنی رائے کا اظہار کریں

اپنا تبصرہ بھیجیں