35

متھیرا فلسطین سے بچہ گود لینے کی خواہش مند

اداکارہ و میزبان متھیرا نے اسرائیل کی وحشیانہ جارحیت سے متاثرہ فلسطین سے بچہ گود لینے کی خواہش کا اظہار کیا ہے۔

انسٹاگرام پر اداکارہ کی جانب سے اسٹوری شیئر کرتے ہوئے اپنی دلی خواہش کا اظہار کیا گیا۔

متھیرا نے لکھا کہ ’میری خواہش ہے کہ ہم فلسطین سے کسی بچے کو ایڈاپٹ کرسکیں اور میں اس بچے کو محبت دے سکوں جس نے اپنا گھر کھویا ہو‘۔

متھیرا نے اپنی اسٹوری میں مداحوں سے تجویز طلب کرتے ہوئے لکھا کہ ’اگر وہاں (فلسطین ) سے بچہ گود لینے کا کوئی طریقہ ہے تو مجھے آگاہ کریں‘۔

خیال رہے کہ اس سے قبل بھی شوبز انڈسٹری سے منسلک مختلف شخصیات فلسطین سے اظہار یکجہتی کے لیے مختلف اقدامات اٹھاچکی ہیں جب کہ حال ہی میں اداکارہ رابعہ بٹ نے فیصل ایدھی کے ہمراہ فلسطینی بھائیوں اور بہنوں کی مدد کے لیے فلسطین جانے کی خواہش کا اظہار کیا ہے۔

اس خبر پر اپنی رائے کا اظہار کریں

اپنا تبصرہ بھیجیں