نیب زدہ سرکاری افسران کو پوسٹنگ دینے سے متعلق کیس میں نیب سکھر نے سندھ ہائیکورٹ میں رپورٹ جمع کرادی۔
نیب کی رپورٹ میں مختلف محکموں کے 285 افسران کے نام شامل ہیں جن میں نیب کو رضا کارانہ طور پررقم واپس کرنے والے، پلی بارگین کرنے والے، ریفرنس میں نامزد، سزا یافتہ اور اپیل کنندہ افسران بھی شامل ہیں۔
رپورٹ کے مطابق رقم رضا کارانہ واپسی کرنے والے گریڈ 19 سے 17 کے 10 افسران بھی فہرست میں شامل ہیں جب کہ پلی بارگین والے سرکاری افسران میں گریڈ 17 اور18 کے 53 افسران شامل ہیں، پلی بارگین والے سرکاری افسران مختلف عہدوں پرتعینات تھے۔
نیب سکھر کی رپورٹ کے مطابق نیب کیسز کا سامنے کرنے والے گریڈ 18، 19، 20 کے 222 افسران شامل ہیں۔
