90

وزیر اعظم عمران خان اپنی اہلیہ اور وفد کے ہمراہ سعودی دار الحکومت ریاض پہنچ گئے

وزیر اعظم عمران خان اپنی اہلیہ اور وفد کے ہمراہ سعودی دار الحکومت ریاض پہنچ گئے ہیں۔

تفصیلات کے مطابق ریاض کے نائب گورنر شہزادہ محمد بن عبد الرحمان بن عبد العزیز نے وزیر اعظم عمران خان کا استقبال کیا۔

وزیر اعظم عمران خان کل شروع ہونے والی مڈل ایسٹ گرین انیشئٹئو سمٹ میں شرکت کریں گے۔

واضح رہے کہ وزیر اعظم عمران خان اپنی اہلیہ، سفیر پاکستان جنرل بلال اکبر اور وفد کے ہمراہ گزشتہ رات جدہ پہنچے تھے، جدہ ائیرپورٹ پر سعودی اعلیٰ حکام نے وزیر اعظم عمران خان اور وفد کا استقبال کیا تھا۔

وزیر اعظم عمران خان جدہ ایئرپورٹ سے عمرے کی ادائیگی کے لئے روانہ ہوں گئے تھے، وزیر اعظم نے گزشتہ رات مکہ مکرمہ میں قیام کیا تھا۔

یاد رہے کہ سعودی ولی عہد محمد بن سلمان کی دعوت پر وزیر اعظم عمران خان 3 روزہ سرکاری دورے پر سعودی عرب گئے ہیں، کل انہوں نے روضہ رسول ﷺ پر حاضری دی اور نوافل ادا کر کے ملک کی ترقی اور خوش حالی کے لیے دعائیں کیں تھی۔

اس خبر پر اپنی رائے کا اظہار کریں

اپنا تبصرہ بھیجیں