147

پنجاب میں آکسیجن سلنڈرز ذخیرہ کرنے پرپابندی عائد

کورونا کی تیسری لہر کے دوران پنجاب میں مریضوں کے لیے آکسیجن کی مانگ بڑھنے پر صوبے بھر میں آکسیجن سلنڈرز اور متعلقہ اشیاء کو ذخیرہ کرنے پر پابندی عائد کردی گئی۔

سیکرٹری پرائمری اینڈ سیکنڈری ہیلتھ کیئر سارہ اسلم کے مطابق  سلنڈرز اور متعلقہ اشیاء کو ذخیرہ کرنے پرپابندی لگا دی گئی ہے جس کے بعد آکسیجن سلنڈرز، آکسی میٹرز، آکسیجن ریگولیٹر اور  نیزل کینولاکی ذخیرہ اندوزی کرنا قانوناً جرم ہو گا  جب کہ اس کی خلاف ورزی پرقانونی کارروائی عمل میں لائے جائے گی۔

سیکرٹری ہیلتھ نے کہا کہ آکسیجن سلنڈرز اور متعلقہ اشیاءکو ذخیرہ کرنے پرپابندی کااطلاق فوری ہوگا جو 2 ماہ تک لاگو رہے گا۔

اس خبر پر اپنی رائے کا اظہار کریں

اپنا تبصرہ بھیجیں