40

پی آئی اے کا خصوصی طیارہ یوکرین میں پھنسے پاکستانیوں کو لے کر وطن واپس پہنچ گیا

اسلام آباد: قومی ایئر لائن (پی آئی اے )کا خصوصی طیارہ یوکرین میں پھنسے 232 پاکستانیوں کو وطن واپس لے کر پہنچ گیا۔

پی آئی اے کا خصوصی طیارہ یوکرین میں پھنسے 232 پاکستانیوں کو وطن واپس لے کر اسلام آباد پہنچ گیا،طیارہ علی الصبح پاکستان سے پولینڈ کے دارالحکومت وارسا بھیجا گیا تھا۔

پی آئی اے کا طیارہ وزارت خارجہ اور حکومت پاکستان کی ہدایات پر روانہ کیا گیا، پی کے 7788 نے رات 12 بجے اسلام آباد کے ہوائی اڈے پرلینڈ کیا۔

وطن واپس پہنچنے پر جذباتی مناظردیکھنے میں آئے، بہت سے مسافر وطن کی سرزمین پر آبدیدہ ہوگئے۔مسافروں کی جانب سے پاکستان زندہ باد اور پی آئی اے پائندہ بعد کے فلک شگاف نعرے لگائے گئے، پی آئی اے اور وزارت خارجہ کی حکام بھی ائیرپورٹ پرموجود رہے۔

اس خبر پر اپنی رائے کا اظہار کریں

اپنا تبصرہ بھیجیں