پاکستان آٹو شو 2024 میں 25 سے 27 اکتوبر کے دوران پانچ نئی الیکٹرک گاڑیاں متعارف کرائی گئیں، جنہیں شہریوں نے بڑی تعداد میں پسند کیا۔
- ہنڈائی ایلانٹرا ہائبرڈ: ہنڈائی کی ایلانٹرا ہائبرڈ میں جدید ٹیکنالوجی شامل ہے جیسے کیلیس انٹری، کروز کنٹرول، اور 10 انچ کی سکرین۔ اس میں سیفٹی فیچرز جیسے اے بی ایس بریکس اور ایمرجنسی سگنل سٹاپ بھی ہیں۔ قیمت تقریباً 97 لاکھ روپے ہے۔
- چنگان لیومن: چنگان کی یہ کار دو دروازوں والی ہے اور 4 افراد کے بیٹھنے کی گنجائش رکھتی ہے۔ اس میں 28 کلو واٹ کی بیٹری ہے جو 300 کلومیٹر کی رینج فراہم کرتی ہے، مگر قیمت ابھی طے نہیں کی گئی۔
- بی وائے ڈی الیکٹرک ایس یو وی: بی وائے ڈی کی دو گاڑیاں آٹو تھری اور سیل متعارف کرائی گئیں۔ آٹو تھری کی قیمت 90 لاکھ روپے ہے اور 410 کلومیٹر کی رینج دیتی ہے، جبکہ سیل کی دو اقسام ڈیڑھ کروڑ سے زائد قیمت کے ساتھ 570 کلومیٹر رینج دیتی ہیں۔
- کِیا ای وی فائیو: کِیا نے پاکستان میں اپنی پہلی الیکٹرک کار لانچ کی ہے، جس کے دو ورژنز ہیں۔ ایئر کی رینج 490 کلومیٹر ہے اور قیمت ایک کروڑ 85 لاکھ روپے جبکہ ارتھ کی رینج 620 کلومیٹر اور قیمت دو کروڑ 35 لاکھ روپے ہے۔
- ایم جی ایچ ایس (پلگ اِن ہائبرڈ): ایم جی کی ایچ ایس اب پلگ اِن ہائبرڈ ورژن میں دستیاب ہے۔ یہ پیٹرول اور الیکٹرک دونوں پر چلتی ہے اور 50 کلومیٹر الیکٹرک رینج فراہم کرتی ہے، قیمت تقریباً ایک کروڑ روپے ہے۔
About The Author
