گوجرانوالہ میں گیس لوڈشیڈنگ سے تنگ شہریوں نے محکمہ سوئی گیس کے ایک اہلکار کو گیس اسٹیشن میں قید کردیا۔ اہلکار چیانوالی میں گیس بحال کرنے پہنچا تھا لیکن مقررہ وقت سے تین گھنٹے تاخیر پر شہریوں نے اسے اسٹیشن میں بند کردیا۔ اہلکار نے وضاحت دی کہ تاخیر کی وجہ راستے میں ڈاکوؤں کے ہاتھوں لٹ جانا تھا۔ دوسری جانب جی ایم سوئی گیس، الطاف ساہی کا کہنا ہے کہ اہلکار پر پہلے تشدد کیا گیا اور پھر اسے قید کیا گیا، اور ملوث افراد کے خلاف مقدمہ درج کروایا جائے گا۔ شہریوں کا کہنا ہے کہ لوڈشیڈنگ کا وقت تو مقرر ہے، مگر گیس بحالی میں اکثر گھنٹوں کی تاخیر ہوتی ہے۔
About The Author
