ذرائع کے مطابق، حج پالیسی 2025 کی منظوری سرکولیشن سمری کے ذریعے دی گئی ہے، جس کے تحت اگلے سال سرکاری حج پیکج 10 لاکھ 75 ہزار سے 11 لاکھ 75 ہزار تک متوقع ہے، جبکہ پاکستان سے 1 لاکھ 79 ہزار عازمین حج کی سعادت حاصل کر سکیں گے۔
پالیسی کے مطابق، حکومت اور پرائیویٹ آپریٹرز کو 89 ہزار 605 حجاج کا کوٹہ ملے گا، جبکہ ایک ہزار کوٹہ ہارڈشپ کے لیے اور 300 کم آمدنی والے مزدوروں کے لیے ای او بی آئی کے تحت مختص کیا گیا ہے۔ آئندہ برس کا طویل حج 38 سے 42 دن اور مختصر حج 20 سے 25 دن پر محیط ہوگا، اس دوران 12 سال سے کم بچے حج کا سفر نہیں کر سکیں گے، اور عازمین کے لیے سعودی حکومت سے منظور شدہ ویکسین لازمی ہوگی۔
روڈ ٹو مکہ سہولت اسلام آباد، لاہور اور کراچی ایئرپورٹ پر فراہم کی جائے گی، اور بغیر محرم خواتین اسلامی نظریاتی کونسل کی شرائط کے تحت حج کر سکیں گی۔
About The Author
