ایپل کی نئی آئی فون 16 سیریز کی باضابطہ لانچ کے بعد پاکستان میں قیمتوں اور پی ٹی اے ٹیکس میں نمایاں کمی دیکھنے کو ملی ہے۔ ستمبر میں جب آئی فون 16 سیریز متعارف ہوئی، تو پاکستان میں ان کی قیمتیں بہت زیادہ تھیں کیونکہ یہاں ایپل کا کوئی آفیشل اسٹور نہیں تھا۔ تاہم، اکتوبر میں ایپل کے منظور شدہ ڈسٹری بیوٹر مرسینٹائل نے آئی فون 16 سیریز کی قیمتوں کا باضابطہ اعلان کیا، جو ایپل اسٹور کی قیمتوں کے مطابق تھیں۔ اس کے بعد، آئی فون 16 پرو میکس کی قیمت پاکستان میں 5 لاکھ 40 ہزار روپے مقرر کی گئی، جس میں پی ٹی اے ٹیکس بھی شامل تھا۔ ابتدائی طور پر صارفین کو آئی فون 16 پرو میکس پر شناختی کارڈ پر 2 لاکھ 13 ہزار روپے اور پاسپورٹ پر 1 لاکھ 83 ہزار روپے کا پی ٹی اے ٹیکس ادا کرنا پڑتا تھا۔ حالیہ دنوں میں یہ ٹیکس بھی قیمتوں کے ساتھ کم ہو چکا ہے۔ مارکیٹ میں قیمتوں میں کمی کی ایک وجہ اضافی ڈسٹری بیوٹرز کی شمولیت بھی ہے، جن میں جی نیکسٹ کمپنی شامل ہے۔ جی نیکسٹ نے ایئر لنک کے ساتھ شراکت داری کر کے ایپل مصنوعات کی ترسیل کو مزید وسیع کیا ہے، جس کے نتیجے میں آئی فون 16 سیریز کی قیمتوں میں 20 سے 30 ہزار روپے تک کمی آئی ہے اور پی ٹی اے ٹیکس میں بھی کچھ کمی ہوئی ہے، جس سے صارفین کو فائدہ پہنچ رہا ہے۔
About The Author
