پنجاب کابینہ نے 3 ہزار غریب خاندان کی بچیوں کی شادی کے پراجیکٹ کی منظوری دی ہے، جس کا اجلاس وزیر اعلیٰ مریم نواز کی زیر صدارت ہوا۔ اس پراجیکٹ کے تحت ہر دلہن کو اے ٹی ایم کارڈ کے ذریعے ایک لاکھ روپے کی سلامی دی جائے گی، اور انہیں فرنیچر، ملبوسات، ڈنر سیٹ اور دیگر 13 ضروری اشیاء بھی گفٹ کی جائیں گی۔ علاوہ ازیں، بے زمین کاشتکاروں کے لیے ایک لاکھ ایکڑ زمین 3 اور 5 سال کی لیز پر الاٹ کرنے کی بھی منظوری دی گئی۔ اجلاس میں پنجاب میں ای بس سروس اسکیم کی بھی منظوری دی گئی، جس کے پہلے مرحلے میں 27 بسیں متعارف کرائی جائیں گی، اور سال کے آخر تک 680 ای بسیں پنجاب بھر میں فعال ہوں گی۔ وزیر اعلیٰ نے لاہور میں الیکٹرک ٹیکسی کے منصوبے کی تفصیلات بھی طلب کی ہیں۔
About The Author
