100 روپے مالیت کے پرائز بانڈ رکھنے والوں کے لیے خوشخبری ہے کہ وہ جلد لکھ پتی بن سکتے ہیں۔ حکومت پاکستان نے مختلف مالیت کے انعامی بانڈز متعارف کرائے ہیں، جن میں 100، 750، 1500، 7500 اور 15000 روپے کے بانڈز شامل ہیں۔ نیشنل سیونگ ڈویژن نے اعلان کیا ہے کہ 100 روپے کے بانڈ کی قرعہ اندازی 15 نومبر، جمعہ کو ملتان میں ہوگی، جس میں سب سے بڑا انعام 7 لاکھ روپے، دوسرا انعام 2 لاکھ روپے اور عمومی انعام 1000 روپے ہے۔ سینٹرل ڈائریکٹوریٹ آف نیشنل سیونگز نے 60 کی دہائی میں پرائز بانڈ اسکیم کا آغاز کیا تھا اور اس کا انتظام مرکزی بینک کرتا ہے۔ ہر تین ماہ بعد نیشنل سیونگز کی جانب سے قرعہ اندازی ہوتی ہے، جس میں خوش نصیب نمبرز کا اعلان کیا جاتا ہے۔ پرائز بانڈز کو محفوظ سرمایہ کاری سمجھا جاتا ہے کیونکہ اس میں بنیادی رقم محفوظ رہتی ہے اور انعامات کے امکانات ہر تین ماہ بعد ملتے ہیں، یہی وجہ ہے کہ یہ عوام میں سرمایہ کاری کی ایک مقبول صورت ہے۔
About The Author
